Vil arrangera namnekonkurranse for stranda

Eva Espeli Pettersen og Turid Larsen Skjæveland synest ikkje dette bør bli heitande «bystranda».

Eva Espeli Pettersen og Turid Larsen Skjæveland synest ikkje dette bør bli heitande «bystranda». Foto:

Av
Artikkelen er over 1 år gammel

«Bystranda» manglar eit offisielt namn. Det vil to politikarar få gjort noko med.

DEL

Kva heiter stranda i Ålgård sentrum? «Bystranda» er blitt brukt både på heimesidene til Gjesdal kommune, då rett nok med liten førebokstav, og i tidlegare artiklar i Gjesdalbuen. Men noko offiselt vedteke namn, er det ikkje.

Dette kjem Eva Espeli Pettersen og Turid Larsen Skjæveland, begge frå Ap, til å ta opp under haustens fyrste kommunestyremøte i september. Dei viser til at stranda har fått fleire namn på folkemunne. Ønsket deira er at Gjesdal kommune skal setja eit offisielt namn på den populære møtestaden. Dei vil gjerne at dette skal skje gjennom ein namnekonkurranse der innbyggarane sjølve kjem med forslag.

- Det er viktig med eit offentleg namn som folk kan identifisera seg med. Det kan gjerne vera eit kort og godt eit, som ein har døme på med Perlå, seier Pettersen då ho får spørsmål om kva som er bakgrunnen for at dei stiller spørsmålet.

Korkje ho eller Skjæveland synest bystranda er eit godt alternativ for ei strand som ligg i ein tettstad utan bystatus.

- Ein skal vita at ein er på Ålgård når ein høyrer namnet på stranda. Om ein googlar bystranda, kjem ein til bystranda i Kritiansand. Det er 12-13 andre plassar som har det same namnet. Lura har nyleg fått ei bystrand, og me ønskjer ikkje å bli forveksla med dei, seier Skjæveland.

Dei har nokon idear til namn sjølve, men dei vil dei ikkje gå ut med, i alle fall ikkje i denne omgang.

- Me vil ha kreative forslag frå innbyggarane opp i dagen. Slikt engasjerer folk, seier Skjæveland.

Dei to er stolte av området som stranda er ein del av.

- Folk er fjåge når dei er her, seier Skjæveland.

Artikkeltags